The Matrix

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

The Matrix
Ficha tecnica
Dirección	Lana Wachowski Lilly Wachowski
Producción	Joel Silver
Guión	Lana Wachowski, Lilly Wachowski
Musica	Don Davis
Fotografía	Bill Pope
Montache	Zach Staenberg
Actors	Keanu Reeves Laurence Fishburne Carrie-Anne Moss Hugo Weaving Joe Pantoliano
Datos y cifras
País(es)	Estaus Unius
Anyo	1999
Chenero(s)	Cine de ciencia-ficción Cine d'acción
Durada	136 min.
Idioma(s)	Anglés
Companyías
Productora(s)	Warner Bros. Village Roadshow Pictures Groucho II Film Partnership Silver Pictures
Distribución	Warner Bros.
Presupuesto	63 millons de dólars
Informacions en bases de datos especializadas:

The Matrix ye una cinta d'acción de ciencia ficción estausunidense de 1999 escrita y dirichida por Lana Lilly Wachowski y Lilly Wachowski, y producida por Joel Silver.^[1] Ye protagonizada por Keanu Reeves, Laurence Fishburne, Carrie-Anne Moss, Hugo Weaving y Joe Pantoliano y ye a primera entrega d'a franquicia Matrix.

Representa un futuro distopico en o cual a humanidat ye atrapada sin saber-lo dentro d'una realidat simulada, a Matrix, creyada por maquinas intelichents pa distrayer a os humans mientres usan os suyos cuerpos como fuent d'enerchía. Cuan o programador informatico Thomas Anderson (Keanu Reeves), baixo l'alias de hacker Neo, descubre a verdat, se veye arrocegau a una rebelión contra as maquinas de conchunta con atras personas que han estau liberadas de Matrix.

Matrix ye un eixemplo d'o subchenero cyberpunk d'a ciencia ficción. L'enfoque d'os Wachowski ent'as escenas d'acción estió influenciado por l'animación chaponesa y as cintas d'artes marcials, y l'uso de coreografos de luita y tecnicas de wire fu d'o cine d'acción d'Hong Kong influyó en as produccions posteriors de cintas d'acción d'Hollywood. A cinta popularizó un efecto visual conoixiu como "tiempo bala" (en anglés "bullet time"), en o cual a camera pareixe mover-se por a escena a velocidat normal entremistanto os movimientos acceleraus de bels personaches. Si bien cualques criticos han aponderau a cinta por a suya maneyo de temas dificils, atros han dito que os temas mas profundos se veyen enuembracius en gran mida por as suyas escenas d'acción.

Matrix estió lanzau por primera vegada en os Estaus Unius o 31 de marzo de 1999 y replegó mas de $ 460 millons en toz. Estió bien recibiu por muitos criticos y ganó cuatro premios Oscar, asinas como atros premios, incluius os premios BAFTA y os premios Saturn. Matrix estió elogiada por os suyos innovadors efectos visuals, secuencias d'acción, cinematografía y valor d'entretenimiento. A cinta se considera una d'as millors cintas de ciencia ficción de toz os tiempos, y s'adhibió a o Rechistro Nacional de Cintas pa la suya conservación en 2012.^[2] L'exito d'a cinta levó a lo lanzamiento de dos secuelas de largometraches en 2003, The Matrix Reloaded y The Matrix Revolutions, que tamién estioron escritas y dirichidas por os Wachowski, y producidas por Joel Silver. A franquicia Matrix s'expandió encara mas a traviés d'a producción de cómics, videochuegos y curtometraches animaus, en os cuals os Wachowski estioron muit involucrados. A franquicia tamién ha inspirau libros y teorías que enamplan cualques d'as ideyas relichiosas y filosoficas a as cuals s'alude en as cintas. Una cuatrena cinta, The Matrix 4, ye programada pa enguerar-se o 22 d'aviento de 2021.

1. ↑ (de) Steven Jay Schneider:101 Cience Fiction Filme: Die Sie sehen sollten, bevor das Leben vorbei ist, Edition Olms, 2012, ISBN 9783283011697, p.377
2. ↑ (en) [1] en Los Angeles Times